ՆախընտրելիՆԱՏՕ-ի խորհրդարանական ասամբլեայում ղարաբաղյան հակամարտության վերաբերյալ փաստաթղթի ստեղծման մասին պաշտոնական մակարդակով քննարկումներ չեն ընթանում։ NEWS.am-ի թղթակցի հետ զրույցում այս մասին հայտարարեց ՆԱՏՕ-ի խորհրդարանական ասամբլեայում հայկական պատվիրակության ղեկավար Կարեն Ավագյանը։ Նրա խոսքով, Ադրբեջանն արդեն որերորդ տարին է այդ ուղղությամբ ջանքեր է ներդնում, սակայն՝ ապարդյուն։
«Երբ ՆԱՏՕ-ի խորհրդարանական ասամբլեայում ղարաբաղյան հարցն է շոշափվում, բոլոր հղումներն արվում են ԵԱՀԿ Մինսկի խմբի վրա, այդ տեսակետը պինդ եւ հիմնավոր է»,- ասաց Ավագյանը։
Կարեն Ավագյանը հւյս հայտնեց, որ ՆԱՏՕ-ի խորհրդարանական ասամբլեան այս հարցում այսուհետ եւս նման հետեւողականություն կցուցաբերի։
Նշենք, որ ադրբեջանական լրատվամիջոցներում տեղեկություն էր հայտնվել, որ ՆԱՏՕ-ի խորհրդարանական ասամբլեայում արաբաղյան հակամարտության վերաբերյալ փաստաթղթի ուղղությամբ աշխատանքներ են տարվում։
