Նախընտրելի
2020-ի ընթացքում Հայաստանում 21 նոր նախադպրոցական հաստատություն է բացվել, ինչը 5-ից 6 տարեկան 462 երեխայի ընդունելություն է ապահովել: Այս մասին Հայաստանի Ազգային ժողովում Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական խորհրդարանական հանձնաժողովի նիստին Կառավարության 2020 թվականի ծրագրի իրականացման մասին զեկույցի քննարկման ժամանակ ասաց ՀՀ կրթության, գիտության, մշակույթի եւ սպորտի նախարար Վահրամ Դումանյանը:
Միեւնույն ժամանակ, ըստ նրա, կրթության ոլորտում իրականացվող ներդրումային ծրագրերի մեծ մասն ուղղված էր հանրակրթական դպրոցների կառուցմանը եւ նորոգմանը, ինչպես նաեւ կրթական ենթակառուցվածքների զարգացմանը: «Կրթական պայմանների բարելավման վարկային ծրագրի շրջանակներում վերանորոգվել է 8 ավագ դպրոց: Վերանորոգման աշխատանքների ավարտից հետո կամփոփվեն բնական գիտությունների համար գիտական լաբորատորիաների ստեղծման գործընթացի արդյունքները»,- ասաց նախարարը:
