նախընտրելի դարձնելԵրեւանի «Հաղթանակ» թաղամասում` «Երեւանյան բազալտ» ՍՊԸ-ի տարածքում, հունիսի 18-ին տեղի է ունեցել պատի ինքնափլուզում, որը հանգեցրել է ողբերգական հետեւանքների:
Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր են մեկնել Փրկարար ուժերի վարչության հատուկ փրկարար ջոկատի հերթապահ խումբը եւ Ճգնաժամային կառավարման կենտրոնի օպերատիվ խումբը:
Տեղում պարզվել է, որ ինքնափլուզվել է խճահատիկի էլեւատորի երկաթբետոնե կոնստրուկցիան, ինչից գործարանի աշխատակիցներ 37-ամյա Սլավիկ Ղազարյանը տեղում զոհվել է, իսկ 31-ամյա Արտյոմ Ղազարյանը ստացել ձեռքի կոտրվածք եւ, մինչ փրկարարների ժամանումը, տեղափոխվել է «Մալաթիա» բժշկական կենտրոն:
Փրկարաների ուժերով փլատակից դուրս է բերվել Ս.Ղազարյանի դին:
Ըստ հերթապահ բժշկի գնահատման` Ա.Ղազարյանի առողջական վիճակը միջին ծանրության է:
