ՆախընտրելիՄիլանում կանխամտածված սնանկացման կասկածանքով ֆինանսական ոստիկանության կողմից ձերբակալվել է վարչապետ Սիլվիո Բեռլուսկոնիի ընկերը` իմպրեսարիո Լելե Մորան:
Իրավապահները 56-ամյա Մորային կասկածել են LManagement ընկերության 8,5 մլն եվրոյի յուրացման մեջ, որի հետեւանքով ընկերությունը սնանկ է հայտարարվել: Մեքենայությունների արդյունքում ստացված փողերը, ըստ հետաքննության, փոխանցվել են շվեյցարական բանկ: Միաժամանակ` Մորան եւս սնանկ է ճանաչվել, գրում է Lenta.ru-ն:
Նախկինում իմպրեսարիոյի նկատմամբ քրեական գործ էր հարուցվել աղջիկների մարմնավաճառության մեջ ներգրավելու համար, որոնք մասնակցել են Բեռլուսկոնիի սկանդալային երեկոներին: Համարվում է, որ հենց Մորան է Բեռլուսկոնին ծանոթացրել Ռուբիի եւ մյուս մարմնավաճառուհու հետ, ովքեր հայտարարել են Իտալիայի վարչապետի հետ իրենց ինտիմ հարաբերությունների մասին:
