նախընտրելի դարձնել
Միացյալ Նահանգների ներկայացուցիչները Վիեննայում իրանական միջուկային գործարքի շուրջ բանակցություններում Թեհրանին պատժամիջոցների օրինակ են բերել, որոնք իրենք պատրաստ են չեղյալ հայտարարել՝ Գործողությունների համատեղ համապարփակ ծրագրի (ԳՀՀԾ) շրջանակներում ստանձնած պարտավորությունների կատարման համար: Այս մասին չորեքշաբթի Իրանի վերաբերյալ լրագրողների համար հատուկ ճեպազրույցի ժամանակ հայտարարել է Պետդեպարտամենտի բարձրաստիճան ներկայացուցիչը, փոխանցում է փոխանցում է ՏԱՍՍ-ը:
«Մենք Իրանին ներկայացրել ենք այդ պատժամիջոցների մի շարք օրինակներ, որոնք կարծում ենք, որ պետք է չեղարկնեք կատարմանը վերադառնալու համար, ինչպես նաեւ՝ այն պատժամիջոցները, որոնք, կարծում ենք, որ մեզ հարկավոր չի լինիվերացնել, եւ որոնք մենք չենք վերացնի ԳՀՀԾ-ին վերադարձի շրջանակներում»,- ասել է նա:
Ընդ որում, ըստ Ամերիկայի արտաքին գործերի նախարարության ներկայացուցչի, Իրանի կողմից պատժամիջոցների վերացման եւ պատասխան քայլերի հաջորդականությունը ներկայումս չի քննարկվում:
Երեքշաբթի օրը Վիեննայում քննարկումներ են տեղի ունեցել Միջուկային գործարքի համատեղ հանձնաժողովի նիստի հերթական փուլը: Հանդիպման մասնակիցները քաղաքական տնօրենների մակարդակով քննարկել են սույն պայմանագրի դրույթներին լիարժեք համապատասխանությանը վերադառնալու հարցեր: Ըստ Վիեննայում միջազգային կազմակերպություններում Ռուսաստանի Դաշնության ներկայացուցիչ Միխայիլ Ուլյանովի՝հաջորդ հանդիպումը տեղի կունենա հաջորդ շաբաթվա սկզբին:
