Հոնկոնգի ոստիկանությունը 25 մլն դոլարի չափով թմրանյութ է առգրավել, հաղորդում է AP-ը:

Ոստիկանությունը հայտարարել է, որ 180 կգ մետամֆետամինը եւ 86 կգ հերոինը հայտնաբերվել են արտադրական շենքում: Կասկածյալին ձերբակալել են:

Թմրանյութը կապված է եղել սինդիկատի հետ, որի նկատմամբ հետաքննություն է վարվում մի քանի ամսի: Մայիսին եւ հուլիսին հետաքննության արդյունքում ձերբակալվել է 16-45 տարեկան 8 տղամարդ եւ 4 կին՝ թմրանյութերի վաճառքի եւ պատրաստման կասկածանքով: