նախընտրելի դարձնել
Իսրայելը պաշտոնապես սկսել է 5-11 տարեկան երեխաներին կորոնավիրուսի դեմ պատվաստելու արշավը, փոխանցում է ՏԱՍՍ-ը՝ հղում անելով Իսրայելի պետական Kan ռադիոյին։
Ըստ ռադիոկայանի՝ մինչ օրս պոլիկլինիկաներն ու դպրոցների տնօրինությունները ծնողներից ստացել են համապատասխան տարիքի 22 հազար երեխայի պատվաստման պատվերներ։ Երկուշաբթի գիշերը մանկական առողջության կենտրոններում պատվաստվել է եւս 440 երեխա։ Օրվա կեսին սպասվում է, որ կորոնավիրուսի դեմ կպատվաստվի Իսրայելի վարչապետ Նաֆտալի Բենեթի որդին՝ Դավիդը։
Անցած շաբաթվա վերջին Իսրայելում «շատ մեծ ծավալներով» մատակարարվել է Pfizer-ի կողմից արտադրված մանկական պատվաստանյութը։ Այս մասին ավելի վաղ հայտնել էր Իսրայելի նախարարների կաբինետի ղեկավարը։ Նոյեմբերի 14-ին Իսրայելի առողջապահության նախարարության գլխավոր տնօրեն Նահման Աշը հավանություն է տվել նախարարության փորձագիտական խորհրդի առաջարկությանը՝ 5-ից 11 տարեկան երեխաների մոտ կորոնավիրուսի դեմ պատվաստում սկսելու վերաբերյալ։
