Ուկրաինան կարգելի գյուղատնտեսական հիմնական ապրանքների, այդ թվում՝ ցորենի, շաքարի, աղի եւ մսի արտահանումը, ասվում է կառավարության երեքշաբթի օրը հրապարակված որոշման մեջ։

Նախարարների կաբինետը ռազմական դրության պայմաններում նոր կանոններ է սահմանել մի շարք գյուղմթերքների արտահանման համար, Facebook-ի իր էջում հայտնել է Ուկրաինայի ագրարային քաղաքականության եւ պարենի նախարար Ռոման Լեշչենկոն։

«Ուկրաինայում հումանիտար ճգնաժամը կանխելու, շուկան կայունացնելու եւ ծայրահեղ կարեւոր սննդամթերքների բնակչության կարիքները բավարարելու համար կառավարությունը գյուղատնտեսական մթերքների արտահանման նոր կանոններ է սահմանել»,- հայտարարել է նա։

Մասնավորապես, որոշման համաձայն, արգելվում է արտահանել.

- վարսակ;

- կորեկ;

- հնդկաձավար;

- շաքար;

- կերակրի աղ;

- ցորեն;

- խոշոր եղջերավոր անասուն, ողջ

- խոշոր եղջերավոր անասունների միս եւ ներքին օրգաններ

Դա նշանակում է արտահանման փաստացի արգելք, ասվում է Ուկրաինայի կառավարության կայքում տեղադրված հաղորդագրության մեջ։