նախընտրելի դարձնել
Ռուսական ավիացիայում իրավիճակը, որը կապված է ռուսական ավիաընկերությունների համար օդանավերի եւ դրանց պահեստամասերի վարձակալության նկատմամբ պատժամիջոցների հետ, ավիատոմսերի արժեքի վրա չի անդրադառնա: Այս մասին ինքնաթիռների տեխնիկական սպասարկման MRO Russia&CIS համաժողովի շրջանակներում լրագրողներին հայտարարել է «Ռոսավիացիա»-ի օդանավերի թռիչքային պիտանիության վարչության պետ Վալերի Կուդինովը, փոխանցում է ՏԱՍՍ-ը։
«Կարծում եմ՝ ոչ, չի անդրադառնա»,- ասել է Կուդինովը՝ պատասխանելով այն հարցին, թե ավիացիոն ոլորտում ստեղծված իրավիճակը կազդի արդյոք տոմսերի գների վրա։
Փետրվարի 26-ին ԵՄ խորհուրդը պատժամիջոցներ է սահմանել ՌԴ ավիացիոն ոլորտում՝ կապված Ուկրաինայում տիրող իրավիճակի հետ։ Դրա պատճառով ռուսական ավիաընկերությունները սկսել են բախվել միջազգային չվերթների դեպքում, նույնիսկ արտահանման չվերթների դեպքում ինքնաթիռներ ձերբակալելու փորձերի:
Տրանսպորտի նախարարությունը մշակել է ավիաընկերություններին աջակցելու շուրջ 20 միջոցառումներ, որոնցից հիմնականները գործող թռիչքային պիտանիության հավաստագրերի երկարաձգումն է մինչեւ սեպտեմբերի 1-ը, օդանավերի վերանորոգման հասանելիությունը եւ կողմնակի ընկերությունների կողմից պահեստամասերի փոխարինումը։ Առաջարկվում է նաեւ երկարաձգել կառուցողի կողմից առանց տեխնիկական աջակցության մնացած օդանավերի որոշ տեխնիկական փաստաթղթերի օգտագործման ժամկետը։ Տրանսպորտի նախարարությունն առաջարկում է մինչեւ սեպտեմբերի 1-ը գործող ճանաչել նավիգացիոն բազաների եւ ռուսական ինքնաթիռներում տեղադրված ծրագրային ապահովման բոլոր տվյալները, ինչպես նաեւ կասեցնել փոխադրողների բոլոր պլանավորված եւ չպլանավորված ստուգումները։
Պատժամիջոցներին հակազդելու միջոցառումներից է նաեւ ՌԴ օդանավերի նկատմամբ իրավունքների պետական գրանցման ժամկետը 10 օրով կրճատելու տրանսպորտի նախարարության առաջարկը։
