նախընտրելի դարձնել
Ալերգիայի եւ վարակիչ հիվանդությունների ազգային ինստիտուտի տնօրեն դոկտոր Էնթոնի Ֆաուչին այս շաբաթ նախազգուշացրել է ամերիկացիներին, որ շուտով նրանք կարող են լրացուցիչ արգելափակումների բախվել COVID-19-ի տարածման հետ կապված, եթե նոր BA.2 կորոնավիրուսային ենթատարբերակը դեպքերի աճի պատճառ դառնա, փոխանցում է Fox News-ը:
Ֆաուչին նշել է, որ BA.2 ենթատարբերակը շուտով կարող է ԱՄՆ-ում վարակման դեպքերի թվի աճի հանգեցնել: Նա ենթադրել է, որ ամերիկացիները պետք է «կարողանան սովորական կյանքի ձեւից անցում կատարել» այն միջոցներին, որոնք ձեռնարկվել էին համավարակի պայմաններում վիրուսի տարածումը կանխելու համար:
«Մենք չենք կարող պարզապես ասել՝ վերջացրեցին եւ պատրաստվում ենք առաջ գնալ»: Մենք պետք է ճկուն լինենք, քանի որ գործ ունենք դինամիկ իրավիճակի հետ»,- հավելել է նա՝ նշելով, որ նոր տարբերակը պակաս մահաբեր է «օմիկրոն» շտամի համեմատ։- Մահացության ընդհանուր մակարդակն իսկապես նվազել է։ Սա շատ հետաքրքիր իրավիճակ է, երբ դեպքերի թիվը գնալով ավելանում է, բայց այս պահին չի թվում, որ ծանրության որեւէ աստիճան կա»։
Ֆաուչին հավելել է, որ չի զարմանա, «եթե առաջիկա մի քանի շաբաթվա ընթացքում, հաշվի առնելով այն, որ մենք սկսել ենք բացվել եւ BA.2 տարբերակով վարակման դեպքերն ավելանում են, դեպքերի թվի աճի ականատես կլինենք»:
