նախընտրելի դարձնել
Xiaomi-ն հայտարարել է, որ Չինաստանում Redmi Note 11T Pro-ն կներկայացնի արդեն մայիսի վերջին, հայտնում է GSMArena պորտալը։ Redmi-ն դեռ մանրամասն տեղեկություն չի հայտնել Note 11T Pro-ի մասին. ըստ ընկերության հայտարարությունների՝ հայտնի է միայն, որ սմարթֆոնը բարձր արտադրողականություն կստանա:
Redmi-ի գործադիր տնօրեն Լու Վեյբինը Weibo-ի իր էջին գրել է, որ Note 11T Pro-ն կլինի Redmi Note 10 Pro-ի չինական տարբերակի արդիականացված տարբերակը՝ Dimensity 1100 չիպսեթի հիման վրա։
Ընդ որում, 2021 թվականի նոյեմբերին Հնդկաստանում ներկայացվեց Redmi Note 11T սմարթֆոնը, որը Note 11-ի չինական տարբերակի կլոնն է։ Սակայն, դատելով ապրանքանիշի ղեկավարի հայտարարությունից, Note 11T Pro-ն Note գծի բոլորովին նոր շարքի ներկայացուցիչ է: Հավանաբար ընկերությունը որոշել է հետաձգել Note 12 նեյմինգի օգտագործումը՝ գնորդներին չշփոթեցնելու համար։
