Թուրքիայի նախագահ Ռեջեփ Թայիփ Էրդողանը հայտարարել է, որ հացահատիկի միջանցքի մասին ստորագրված համաձայնագիրը «միլիարդավոր մարդկանց կփրկի  սովի սպառնալիքից»։

«Միլիոնավոր մարդիկ զերծ կմնան սովի այս վտանգից»,- ասել է Էրդողանը։ «Առաջիկա օրերին մենք ականատես կլինենք բեռնափոխադրումների մեկնարկին, եւ շատ երկրներ թարմ շունչ կստանան: Դա կհեշտացնի ամբողջ գործընթացը՝ արտահանումից մինչեւ նպատակակետ հասնելը, եւ մենք համաձայնության ենք եկել բոլոր կետերի շուրջ»,- հավելել է Էրդողանը:

Նա նշել է, որ համաձայնագրի իրականացումը կիրականացվի Ստամբուլի Համատեղ համակարգող կենտրոնի միջոցով։ «Մենք լարված ու բարդ գործընթաց էինք վարում Ուկրաինայի, Ռուսաստանի եւ ՄԱԿ-ի հացահատիկի արտահանման ներկայացուցիչների հետ։ Մենք մշտական ​​կապի մեջ էինք։ Լայն խորհրդակցություններ ենք ունեցել, արտաքին գործերի եւ պաշտպանության նախարարները մեծ ջանքեր են գործադրել»։