նախընտրելի դարձնել
Սեպտեմբերի 25-ին Հայաստանի 17 համայնքներում անցկացվելու են Տեղական ինքնակառավարման մարմինների ընտրություններ: «Բարգավաճ Հայաստան» կուսակցության ֆեյսբուքյան էջում նշվում, որ 3 համայնքներում մասնակցելու է ընտրություններին:
Կոտայքի մարզի Բյուրեղավան համայնքի ավագանու ընտրություններին «Բարգավաճ Հայաստան» կուսակցությունն ընտրություններին մասնակցում է «Դեմոկրատական այլընտրանք» /ԴԱԿ/ կուսակցության հետ ձեւավորված «Միասնություն» դաշինքով: Համայնքապետի թեկնածուն Բյուրեղավան համայնքի գործող ղեկավար Հակոբ Բալասյանն է:
Կոտայքի մարզի մեկ այլ՝ Ակունք համայնքի ավագանու ընտրություններին ԲՀԿ-ն մասնակցում է ԴԱԿ-ի հետ ձեւավորված «Համախմբում» դաշինքով: Համայնքապետի թեկնածուն Զառի վարչական ղեկավար Լեւոն Խաչատրյանն է:
Արագածոտնի մարզի Ծաղկահովիտ համայնքի ավագանու ընտրություններին ԲՀԿ-ն մասնակցում է ԴԱԿ-ի հետ ձեւավորած «Հզոր համայնք» դաշինքով: Համայնքապետի թեկնածուն Գոռ Հունանյանն է:
