նախընտրելի դարձնել
Արգենտինայի դաշնային դատախազը պահանջել է երկրի նախկին նախագահ եւ ներկայիս փոխնախագահ Քրիստինա Ֆերնանդես դե Կիրշներին 12 տարվա ազատազրկման դատապարտել՝ հասարակական աշխատանքների հետ կապված կոռուպցիայի մեղադրանքով, հայտնում է Reuters-ը։
Դատախազ Դիեգո Լուչիանին Ֆերնանդես դե Կիրշներին մեղադրել է պետությանը խաբելոեւ եւ պետական միջոցների վատնման սխեմայի մեջ ներգրավվածության մեջ, երբ վերջինս նախագահ էր 2007-ից 2015 թթ.
Ըստ տեղական ԶԼՄ-ների՝ դատավճիռը կկայացվի մի քանի ամսից, թեեւ Ֆերնանդես դե Կիրշները կարող է այն բողոքարկել վերադաս ատյաններում, վերջնական դատավճիռ կայացնելու համար տարիներ կպահանջվեն։
Ֆերնանդես դե Կիրշները, ով ցուցմունք էր տվել դատարանում 2019 թ., իր թվիթերյան գրառման մեջ նշել է, որ իրեն «դատաբժշկական գնդակահարում է» սպառնում, այլ ոչ թե «սահմանադրական դատարան»: Նախկին նախագահը հավելել է, որ իրեն հնարավորություն չի տրվել ցուցմունք տալ գործի նոր տարրերի մասով։
Արգենտինայի նախագահ Ալբերտո Ֆերնանդեսը Twitter-ում դատապարտել է որոշումը՝ հայտարարության մեջ այն քրեական հետապնդում անվանելով: «Նախկին նախագահին վերագրվող գործողություններից եւ ոչ մեկը ապացուցված չէ», - ասվում է հայտարարության մեջ։
Դատախազը պահանջել է նաեւ ցմահ արգելել Ֆերնանդես դե Կիրշներին պետական պաշտոններ զբաղեցնել։
