Ճապոնիայի կառավարության նիստին ուրբաթ հաստատվել է 250 միլիոն իենի (1.82 միլիոն դոլար) հատկացումը նախկին վարչապետ Սինձո Աբեի պետական ​​հուղարկավորության համար, ով սպանվել էր հուլիսին զինված հարձակման ժամանակ:

Մասնավորապես, NHK հեռուստաալիքի տվյալներով, «Բուդոկան» արենայի վարձակալումը 30 մլն իեն (219.3 հազար դոլար) կարժենա, 210 մլն իեն (1.53 մլն դոլար) կծախսվի կազմակերպչական հարցերի վրա։ Ծախսերն ամբողջությամբ կատարվում են պետական ​​բյուջեից։

Աբեն մահացու վիրավորվել էր հուլիսի 8-ին Նարա պրեֆեկտուրայում քարոզարշավի ժամանակ ելույթ ունենալիս: Հուղարկավորությունն ու դիակիզումը տեղի են ունեցել հուլիսի 12-ին։ Աբեի պետական հուղարկավորությունը նշանակված է սեպտեմբերի 27-ին։ Նա կդառնա հետպատերազմյան շրջանի երկրորդ նախկին վարչապետը, ում մահից հետո պետական ​​հուղարկավորություն կանցկացվի: Առաջինը Սիգերու Յոսիդան էր, ով մահացել է 1967 թ. հոկտեմբերի 20-ին։

Ճապոնիայի կառավարությունը պատրաստվում է Աբեի հուղարկավորության պետական ​​արարողությանը մոտ 6.4 հազար մարդու մասնակցությանը, այդ թվում՝ բարձր եւ բարձրագույն մակարդակի օտարերկրյա պետությունների ներկայացուցիչների։