նախընտրելի դարձնել
Նախագահ Ջո Բայդենի վարչակազմը մեծացրել է տնտեսական ճնշումը Նիկարագուայի նախագահ Դանիել Օրտեգայի կառավարության վրա՝ մի շարք քայլեր ձեռնարկելով երկրի ոսկու արդյունահանման արդյունաբերության եւ այլ ոլորտների դեմ, հայտնում է Reuters-ը։
ԱՄՆ-ը պատժամիջոցներ է սահմանել Նիկարագուայի ոսկու հանքերի դեմ, եւ Նիկարագուայի արդյունահանման դեպարտամենտի ղեկավարը՝ եւս մեկ պետական բարձրաստիճան պաշտոնյայի հետ, հայտնվել են սեւ ցուցակում։
Պատժամիջոցները կարող են օգտագործվել նաեւ Նիկարագուայի որոշ տարածքներում ԱՄՆ-ի նոր ներդրումները արգելափակելու, Նիկարագուայի որոշ ապրանքների ներմուծման կամ որոշ ապրանքների Նիկարագուա արտահանման համար:
«Օրտեգա-Մուրիլյոյի ռեժիմի շարունակական հարձակումները դեմոկրատ դերակատարների եւ քաղաքացիական հասարակության անդամների վրա, ինչպես նաեւ քաղբանտարկյալների անարդարացի կալանավորումները ցույց են տալիս, որ ռեժիմը կարծում է, թե պարտավոր չէ պահպանել օրենքի գերակայությունը»,- ասել է հակաահաբեկչության եւ ֆինանսական հետախուզության գծով ֆինանսների փոխնախարար Բրայան Նելսոնը։
