նախընտրելի դարձնել
Աֆղանստանի նախկին պատգամավոր Մուրսալ Նաբիզադան եւ նրա թիկնապահը սպանվել են մայրաքաղաք Քաբուլում գտնվեղ խորհրդարանականի տանը անհայտ անձանց կողմից, հաղորդում է AP-ն՝ վկայակոչելով ոստիկանությանը:
Նաբիզադան այն սակավաթիվ կին պատգամավորներից էր, որոնք մնացել էին Քաբուլում այն բանից հետո, երբ թալիբները զավթել են իշխանությունը 2021 թվականի օգոստոսին:
Սա առաջին դեպքն է, երբ նախկին վարչակազմի օրենսդիր անդամը սպանվում է քաղաքում իշխանության գրավումից հետո:
Մոլվիի տեղական ոստիկանության ղեկավար Համիդուլլահ Խալիդը հայտնել է, որ Նաբիզադային եւ նրա թիկնապահին գնդակահարել են շաբաթ օրը առավոտյան ժամը 3-ի սահմաններում, նույն սենյակում:
Նա նաեւ հայտնել է, որ իր եղբայրը եւ երկրորդ թիկնապահը վիրավորվել են։, իսկ երրորդ թիկնապահը դեպքի վայրից փախել է փողով եւ ոսկերչական իրերով։
Նա մահացել է իր տան երկրորդ հարկում, որն օգտագործում էր որպես աշխատասենյակ։ Խալիդն ասել է, որ հետաքննություն է ընթանում: Հնարավոր դրդապատճառների մասին հարցերին նա չի պատասխանել։
Նաբիզադան ընտրվել է 2019 թվականին որպես Քաբուլի ներկայացուցիչ եւ պաշտոնավարել մինչեւ թալիբների իշխանության գալը։
Նա եղել է խորհրդարանի պաշտպանության հանձնաժողովի անդամ եւ աշխատել մասնավոր ոչ կառավարական խմբում՝ Մարդկային ռեսուրսների զարգացման եւ հետազոտությունների ինստիտուտում:
