Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերի հրամանատար, փոխծովակալ Ալիռեզա Թանգսիրին նախազգուշացրել է երկրի վրա ցանկացած հարձակման էլիտար զինված ուժերի վճռական պատասխանի մասին, հաղորդում է Mehr-ը: 

«Այսօր հարեւան որոշ երկրներ հնարավորություն են տվել երեխայասպան սիոնիստական ռեժիմին ամրապնդվել տարածաշրջանում։ Այնուամենայնիվ, նրանք պետք է իմանան, որ եթե մեզ վրա քար նետեն, մենք կպատասխանենք։ Եթե մեր նավերը բախվեն խնդրի հետ, իրանական խիզախությունն այն անպատասխան չի թողնի»,-ասել է նա։   

Իրանի ռազմածովային ուժերը վերջին տարիներին մեծ հաջողությունների են հասել իրենց սարքավորումների արտադրության եւ միջազգային ջրերում եւ բաց ծովում իրենց ներկայության ընդլայնման գործում, նշել է նա: 

«Մարտական աջակցության «Շահիդ Մահդավի» նավը հագեցած է թեւավոր հրթիռներով՝ թռիչքի 300-750 կիլոմետր հեռահարությամբ, Sepehr-7 ուղղահայաց արձակման անօդաչու սարքերով՝ 8 ժամ տեւողությամբ եւ թռիչքի 200 կիլոմետր հեռահարությամբ, կամիկաձե անօդաչու սարքերով՝ թռիչքի 1300 կիլոմետր հեռահարությամբ, ինչպես նաեւ կարող է 5 ուղղաթիռ կրել»,-ասել է Թանգսիրին: 

ԻՀՊԿ ՌԾՈւ հրամանատարը նաեւ նշել է, որ ԻՀՊԿ ՌԾՈւ «Թարեք» դասի մոտորանավակները հագեցած են 180 կմ հեռահարությամբ հրթիռներով։  

Ashura եւ Zolfaghar դասի նավակները հագեցած են Kowasr-200 եւ Navab հրթիռներով, նշել է նա։ 

«Մենք ունենք չկառավարվող նավեր, որոնք հագեցած են արհեստական ինտելեկտով եւ ունակ են այլ չկառավարվող  նավեր ուղարկել եւ հարձակում գործել դրանց հետ միասին»,-հավելել է իրանցի փոխծովակալը: 

Այդ հայտարարությունից մի քանի օր առաջ օվկիանոսային ռազմանավը մտել է ԻՀՊԿ նավատորմի կազմի մեջ։