նախընտրելի դարձնել
Թուրքական Տրապիզոնի և ռուսական Սոչիի միջև լաստանավերի գործարկման շուրջ բանակցությունները շարունակվում են, սակայն հստակ ժամկետներ չկան, թե երբ դա տեղի կունենա, գրում է РИА Новости-ն՝ հղում անելով թուրքական քաղաքի նավահանգստի աղբյուրին։
«Իսկապես, նման ծրագրեր կան, երկու կողմից ջանքեր են գործադրվում։ Սակայն ժամանակացույցի և գների մասին դեռ հստակ տեղեկություն չկա»,- ասել է նավահանգստի աղբյուրը։ Նա չի կարողացել հաստատել լաստանավերի շարժման մեկնարկը հենց մայիսի 1-ից ։
«Այո, կա նման նախագիծ, բայց մանրամասները դեռ քննարկվում են, և մենք չենք կարող ձեզ կողմնորոշել գների և ժամանակացույցի վերաբերյալ», - ասել են Gürgen Tur տուրիստական գործակալությունից, որը նախկինում վաճառում էր այս երթուղու լաստանավերի տոմսերը:
Տրապիզոնի նահանգի առևտրաարդյունաբերական պալատի ղեկավար Էրկուտ Չելեբին ավելի վաղ հայտնել էր, որ 9 տարվա ընդմիջումից հետո թուրքական Տրապիզոնի և ռուսական Սոչիի միջև լաստանավերի գործարկումը նախատեսվում է մայիսի 1-ին։
Նրա խոսքով՝ իրենք ցանկանում են պայմանագիրը ստորագրել ապրիլի 6-ին։ Սոչի-Տրապիզոն երթուղով կգործի 300 հոգու համար նախատեսված լաստանավ և 200 ավտոմեքենա։
Ըստ լրատվամիջոցների տվյալների՝ լաստանավերն այս երթուղով շարժվել են 1992-ից 2014 թթ.-երին:
