նախընտրելի դարձնել
ՊԵԿ+ի պաշտոնական հանդիպման շրջանակում հայտարարված նախաձեռնության համաձայն՝ Սաուդյան Արաբիան և ՕՊԵԿ+-ի նավթ արտադրող այլ երկրներ, ներառյալ Ռուսաստանը, ընդհանուր առմամբ կնվազեցնեն նավթի մատակարարումներն օրական մոտ 1,16 միլիոն բարելով՝ կամավոր մի շարք կրճատումների շրջանակում, որը կսկսվի մայիսին և կտևի մինչև տարեվերջ։
Որոշումը լրացուցիչ հարված է ԱՄՆ-ի և Սաուդյան Արաբիայի սրված հարաբերություններին, որոնք Ջո Բայդենի վարչակազմի օրոք պատճառ դարձան Սաուդյան Արաբիայի մերձեցմանը Ռուսաստանին և Չինաստանին: Անցյալ ամիս Չինաստանը միջնորդեց Սաուդյան Արաբիայի և Իրանի միջև գործարքին, որի նպատակն էր վերականգնել երկու երկրների միջև հարաբերությունները:
Միացյալ Նահանգները, որը դեռ անցյալ տարվա նոյեմբերին դատապարտել էր արդյունահանումն օրական 2 միլիոն բարելով կրճատելու մասին OPEC+ի որոշումը, կտրականապես դեմ է արտահայտվել ՕՊԵԿ+ ի նավթի արդյունահանման հետագա կրճատմանը` սպասվող գնաճն աննպատակահարմար գտնելով :
«Մենք չենք կարծում, որ այս պահին կրճատումները տեղին են՝ հաշվի առնելով շուկայում առկա անորոշությունը, և մենք դա հստակ ասել ենք», - Reuters-ին ասել է Ազգային անվտանգության խորհրդի ներկայացուցիչը: «Մենք կենտրոնանում ենք ԱՄՆ-ում սպառման գների վրա, ոչ թե բարելի գների վրա, և գները զգալիորեն իջել են անցյալ տարվա համեմատ՝ ավելի քան 1,50 դոլար մեկ գալոնի դիմաց՝ անցյալ ամռանը գրանցված գնային պիկից: Մենք կշարունակենք աշխատել բոլոր արտադրողների և սպառողների հետ՝ որպեսզի էներգակիրների շուկաներն աջակցեն տնտեսական աճին և ամերիկյան սպառողներին»:
Անցյալ տարի, այն բանից հետո, երբ Սաուդյան Արաբիան անտեսեց ԱՄՆ-ի կոչերն ավելի շատ նավթ մատակարարել շուկա՝ մոլեգնող գնաճի դեմ պայքարելու նպատակով, և որոշեց կրճատել արդյունահանումը՝ Սպիտակ տունը մեղադրեց երկրին՝ Ուկրաինա ներխուժած Ռուսաստանի կողքին լինելու մեջ:
Ինչպես ակնկալում էին վերլուծաբանները՝ այն լուրը, որ Սաուդյան Արաբիան և ՕՊԵԿ+ ի նավթ արտահանող մյուս երկրները նվազեցնելու են արդյունահանումը՝ գների ակնթարթային թռիչքի բերեց: Երկուշաբթի օրը Brent տեսակի նավթի ֆյուչերսները թանկացել են 4,30 դոլարով՝ հասնելով 84,19 դոլարի՝ մեկ բարելի դիմաց, իսկ ամերիկյան նավթն աճել է 4,17 դոլարով՝ հասնելով 79,84 դոլարի, հաղորդում է Al Jazeera-ն:
Հայտարարված կրճատումները որոշ չափով ստվերեցին հիմնական գնաճի նվազումը, որի մասին Դաշնային պահուստային համակարգը հաղորդել էր անցյալ ուրբաթ: Ըստ ԴՊՀ-ի վերջին տվյալների՝ ԱՄՆ-ում գները փետրվարին 6 տոկոսով ավելի բարձր են եղել, քան մեկ տարի առաջ, ինչը ցածր է հունվարին՝ տարեկան 6,4 տոկոս ցուցանիշից և անցյալ տարվա հունիսին՝ 9,1 տոկոսի հասած ինֆլյացիոն գագաթնակետից:
OPEC+ ի համար, որ ներառում է նավթի՝ աշխարհի խոշորագույն արտադրողներին, այդ քայլն անհրաժեշտ է՝ նավթի շուկայի կայունացման տեսանկյունից, որտեղ անցյալ ամիս գներն ընկան մինչև 70 դոլար՝ մեկ բարելի դիմաց, ինչը վերջին 15 ամսվա ամենացածր մակարդակն է: Այնուամենայնիվ, անմշակ նավթի գինը անցյալ շաբաթ վերադարձավ մինչև 80 դոլար՝ մեկ բարելի դիմաց, ինչը շատերին ստիպեց ենթադրել, որ ՕՊԵԿ+ը ստիպված չի լինի կրճատել արդյունահանումը:
Օրական հաշվարկով՝ Սաուդյան Արաբիան նվազեցնելու է արդյունահանումը մինչև 500,000 բարել, Իրաքը՝ 211,000, Արաբական Միացյալ Էմիրությունները՝ 144,000, Քուվեյթը՝ 128,000, Օմանը 40,000, Ալժիրը՝ 48,000 , Ալժիրը՝ 48,000 , Ղազախստանը՝ 78000, հաղորդում է Reuters-ը : զեկույցներ. Ռուսաստանը, ըստ փոխվարչապետ Ալեքսանդր Նովակի՝ նավթի կամավոր կրճատումն օրական 500,000 բարելով՝ կերկարաձգի մինչև տարեվերջ:
