«Մենք ակնկալում ենք, որ մոտակա շաբաթների ընթացքում  ուկրաինացիները գարնանային ինքնուրույն գրոհ կսկսեն», - երկուշաբթի ասել է ՆԱՏՕ-ում ԱՄՆ մշտական ​​ներկայացուցիչ, դեսպան Ջուլիանա Սմիթը:

ԱՄՆ 2,1 միլիարդ դոլար արժողությամբ  սպառազինության օժանդակության փաթեթը դուրս է գրվել Ուկրաինայի անվտանգության աջակցության նախաձեռնության(USAI) միջոցներից.  այն թույլ է տալիս նախագահ Ջո Բայդենի վարչակազմին զենք գնել արդյունաբերությունից, այլ ոչ թե ամերիկյան զենքի պաշարներից:

USAI փաթեթը ներառել է լրացուցիչ NASAMS հակաօդային պաշտպանության համակարգեր, որոնք ԱՄՆ-ը և դաշնակիցները փոխանցել են Կիևին.  Ի թիվս այլոց՝ փաթեթում ներառված են ճշգրիտ կառավարվող ինքնաթիռների համակարգեր, խորհրդային «Գրադ» հրթիռներ, հակատանկային հրթիռներ, զրահապատ կամուրջների համակարգեր,  ինչպես նաև՝ ուսուցման  և տեխսպասարկման ծախսերը:  

Մնացած 500 միլիոն դոլարը հատկացվել է նախագահական կրճատման ֆոնդերից , ինչն էլ նախագահին թույլ է տալիս արտակարգ իրավիճակներում  միջոցներ  ներգրավել ԱՄՆ-ի  ընթացիկ պահուստներից:

Օգնության փաթեթի այս հատվածը ներառել է  5 տեսակի  ռազմամթերք, որոնց թվում՝ Patriot հակաօդային պաշտպանության համակարգեր, տանկեր և բարձր շարժունակության հրետանային հրթիռային համակարգեր (HIMARS):

Անցյալ ամիս Ուկրաինան ստացել էր Գերմանիայի և Պորտուգալիայի խոստացած Leopard 2 մարտական ​​տանկերը։ Երեքշաբթի օրը հայտարարված փաթեթն, ի թիվս այլոց, ներառում է  ծանր վառելիքի  61փոխադրամիջոց:

2022 թվականի փետրվարի 24-ից ի վեր՝ անվտանգության ոլորտում Միացյալ Նահանգները խոստացել է ավելի քան 35,2 միլիարդ դոլարի օգնություն տրամադրել Ուկրաինային ։