նախընտրելի դարձնել
Վիետնամում գրանցվել է պատմության մեջ ամենաբարձր օդի ջերմաստիճանը՝ 44 աստիճանից քիչ ավելի, ըստ Ցելսիուսի, իսկ փորձագետները կանխատեսում են, որ շուտով այն ավելի կբարձրանա կլիմայի փոփոխության պատճառով, հաղորդում է BBC-ն։
Ռեկորդն արձանագրվել է հյուսիսային Տխանխոա նահանգում, որտեղ պաշտոնական անձինք զգուշացրել են տանը մնալ օրվա ամենաշոգ ժամերին։
Տարածաշրջանի մյուս երկրներում նույնպես չափազանց շոգ եղանակ է։
Թայլանդը հայտնել է 44,6°C ռեկորդային ջերմաստիճանի մասին իր արևմտյան Մակ նահանգում։
Միաժամանակ Մյանմայի ԶԼՄ-ները հաղորդել են, որ երկրի արևելյան քաղաքներից մեկում գրանցվել է 43,8°C, ինչը տասնամյակի ամենաբարձր ջերմաստիճանն է։
Երկու երկրներն էլ շոգ ժամանակաշրջան են ապրում մուսոններից առաջ, սակայն շոգի ինտենսիվությունը գերազանցել է նախորդ ռեկորդները։
Վյետնամում օդի ջերմաստիճանի նախորդ ռեկորդը՝ 43,4°, արձանագրվել էր չորս տարի առաջ կենտրոնական Խայտին նահանգում։
Ապրիլին Իսպանիայում արձանագրվել է այս ամսվա ամենաբարձր ջերմաստիճանը՝ 38,8 °C, երկրի հարավում՝ Կորդովայի օդանավակայանում։
Մարտին կլիմայագետները հայտարարեցին, որ գլոբալ ջերմաստիճանի գլխավոր ցուցանիշը, ամենայն հավանականությամբ, բաց կթողնվի։
Կառավարություններն ավելի վաղ պայմանավորվել էին միջոցներ ձեռնարկել գլոբալ ջերմաստիճանը 1,5 °C-ից ավելի բարձրանալուց խուսափելու համար։ Բայց աշխարհն արդեն տաքացել է 1,1 °C-ով, իսկ հիմա փորձագետներն ասում են, որ 2030-ականներկն ջերմաստիճանի բարձրացումը, ըստ երևույթին, կգերազանցի 1,5°C-ը։
