Եգիպտոսի նախագահ Աբդել Ֆաթահ ալ-Սիսին կիրակի օրը հանդիպել է Հնդկաստանի վարչապետ Նարենդրա Մոդիին, որը Հնդկաստանի վարչապետի երկօրյա այցի երկրորդ կանգառն է երկու երկրների միջև կապերի ամրապնդման նպատակով, հաղորդում է Associated Press-ը:

Եգիպտոսը և Հնդկաստանը կապված են երկարամյա հարաբերություններ,ով որոնք սկսվում են 1950-ականներից, երբ երկու երկրներն էլ առանցքային դեր խաղացին « Ոչ միավորմանը» շարժման հիմնադրման գործում, որը սառը պատերազմի ամենաթեժ պահին կոմունիզմի կամ կապիտալիզմի կողմն անցնելու փոխարեն այլընտրանքային ճանապարհ էր փնտրում:

Շաբաթ օրը Կահիրե ժամանած Մոդին Հնդկաստանի առաջին վարչապետն է, որը պետական այցով Եգիպտոս է այցելել ավելի քան երկու տասնամյակների ընթացքում: Նրա երկօրյա այցը տեղի է ունենում վեց ամիս անց նրանից  հետո, երբ Էլ-Սիսին մեկնել էր Նյու Դելի՝ մասնալցելու Հնդկաստանի Անկախության օրվա տոնակատարություններին՝ պաշտոնական հյուրի կարգավիճակով:

Ալ-Սիսին ընդունել է Մոդիին կիրակի առավոտյան Կահիրեի նախագահական պալատում։ 

Հնդկաստանի արտաքին գործերի նախարարության մամուլի քարտուղար Արինդամ Բագչիի խոսքով՝ վարչապետին պարգեւատրել են Եգիպտոսի պետական բարձրագույն պարգեւով՝ Նեղոսի շքանշանով։
Մոդիի Եգիպտոս կատարած այցը նպատակ ունի ամրապնդել երկկողմ կապերը Կահիրեի և Նյու Դելիի միջև։

Վարչապետն ասաց, որ երկու երկրներն արագորեն առաջ են շարժվում՝ հինգ տարվա ընթացքում երկկողմ առևտուրը հասցնելով տարեկան 12 միլիարդ դոլարի՝ 2021-22 թվականներին 7,3 միլիարդ դոլարի փոխարեն:

Այս տարվա սկզբին երկու երկրները պայմանավորվել էին ընդլայնել առևտրային համագործակցությունը։ Հնդկաստանը` աշխարհի ամենաբնակեցված երկիրը, մտնում է եգիպտական ապրանքներ ներկրողների հնգյակում, ներառյալ հում նավթը և հեղուկ բնական գազը, աղը, բամբակը, անօրգանական քիմիական նյութերը և յուղի սերմերը: Հնդկաստանի հիմնական արտահանումները Եգիպտոս ներառում են բամբակյա մանվածք, սուրճ, դեղաբույսեր, ծխախոտ, ոսպ, մեքենաների մասեր, նավեր, նավակներ և էլեկտրական սարքավորումներ: