նախընտրելի դարձնել
Ռուսական կողմը համաձայնել է, որ Թուրքմենստանը միանա Հյուսիս-Հարավ միջազգային տրանսպորտային միջանցքի (ՄՏՀ) համաձայնագրին։ Համապատասխան հրամանը ստորագրել է ՌԴ վարչապետ Միխայիլ Միշուստինը, փոխանցում է ТАСС-ը։
«Ընդունել ՌԴ տրանսպորտի նախարարության առաջարկը, որը համաձայնեցվել է ՌԴ ԱԳՆ-ի և այլ շահագրգիռ գործադիր իշխանությունների հետ, ռուսական կողմի համաձայնության արտահայտման վերաբերյալ Հյուսիս-Հարավ միջազգային տրանսպորտային միջանցքի մասին համաձայնագրին Թուրքմենստանի միանալու վերաբերյալ»,- ասվում է փաստաթղթում։
Ռուսաստանի Դաշնության արտաքին գործերի նախարարությանը նույնպես հանձնարարվել է ծանուցել Իրանին՝ համաձայնագրին Թուրքմենստանի միանալու իր համաձայնության մասին։
Ավելի վաղ Աշխաբադն ինքը հայտարարել էր նախագծի մասնակից դառնալու մտադրության մասին։ Երկրի նախարարների կաբինետին առընթեր տրանսպորտի և կապի գործակալության գլխավոր տնօրեն Մամմետխան Չակիևը հայտնել է, որ այս ուղղությամբ աշխատանքներ են տարվում։ Նշվել է նաև, որ իր աշխարհագրական դիրքի շնորհիվ Թուրքմենստանը կարևոր դեր է խաղում մատակարարման համաշխարհային շղթաների զարգացման գործում։
Հյուսիս-Հարավ մուլտմոդալ տրանսպորտային միջանցքի ստեղծման մասին միջկառավարական համաձայնագիրը ստորագրվել է Ռուսաստանի, Հնդկաստանի և Իրանի կողմից 2000 թվականին։ Հետագայում մասնակիցների ցանկն ընդլայնվեց մինչև 14-ը: Ծրագրի նպատակն է ներգրավել Հնդկաստանից, Իրանից և Պարսից ծոցի երկրներից Ռուսաստանի տարածքով բեռնափոխադրումների տարանցիկ հոսքերը դեպի Եվրոպա:
