նախընտրելի դարձնել
Ուկրաինայի նախագահ Վլադիմիր Զելենսկին ընդգծել է, որ Ուկրաինան երբեք չի ծրագրում փոխանակել իր տարածքներից որևէ մեկն իր համար որևէ կարգավիճակով։
Ըստ УНИАН-ի՝ այս մասին Զելենսկին ասել է Վիլնյուսում ՆԱՏՕ-ի գագաթնաժողովի արդյունքների վերաբերյալ ճեպազրույցում։
Մասնավորապես, նա մեկնաբանել է ԶԼՄ-ների այն լուրերը, թե իբր Գերմանիան և ԱՄՆ-ն պնդել են կոմյունիկեում չնշել ՆԱՏՕ-ին Ուկրաինայի անդամակցության կոնկրետ ժամկետներ։ «Վստահ եմ, որ Շոլցի և Բայդենի կողմից դավաճանական դիրքորոշումներ չեն լինի: Բայց, միևնույն ժամանակ, պետք է ասեմ, որ մենք երբեք որևէ կարգավիճակ չենք փոխի մեր տարածքներից որևէ մեկի հետ, նույնիսկ եթե դա մեր մի գյուղ լինի, որտեղ մի պապ է ապրում»,- ասել է նախագահը։
Զելենսկին ընդգծել է, որ Ուկրաինան չի զիջի իր տարածքները և երբեք դրանք չի փոխի ցանկացած սառեցված հակամարտության հետ։
«Դա երբեք տեղի չի ունենա, իմ դիրքորոշումը հստակ հայտնի է մեր գործընկերներին»,- ընդգծել է նա։
