նախընտրելի դարձնելՖրանսիայի նախագահ Նիկոլա Սարկոզիի` Հայոց ցեղասպանության հարցում դիրքորոշումը վերանայելու Թուրքիային ուղղված կոչի հասցեատերը, որքան էլ պարադոքսալ լինի, ոչ այնքան Թուրքիան էր եւ Հայաստանը, որքան իր երկրի ընտրողները, որոնց նա կորցնում է օրեցօր: Նման կարծիք է հայտնել «Կոմերսանտ» թերթի մեկնաբան Սերգեյ Ստրոկանը:
Նրա խոսքով` կարեւոր է հասկանալ այդ հայտարարության ենթատեքստը. «Իսկ ենթատեքսն այսպիսին է. Սարկոզին, որի վարկանիշը ներկայումս իջել է աղետալի 26 տոկոսի, եւ ով պետք է պայքարի հաջորդ տարի կայանալիք ընտրություններում վերընտրվելու համար, մեկնել էր այցի Հարավային Կովկաս, որի առանցքային տարրը Երեւանն էր: Եւ գլխավորն այն է, որ նրան պետք է ինչ-որ կերպ ստանալ Ֆրանսիայում հայկական սփյուռքի քվեները»,-հայտարարել է մեկնաբանը:
Թուրքիայում արդեն վրոդվմունք են հայտնել Սարկոզիի արտահայտությունների առնչությամբ: Հարցին, թե կարող են հետեւանքներ լինել, մեկնաբանը նշել է, որ հարցը մինշանակ չէ: Ըստ նրա` Ֆրանսիայի հենց ներսում եւս մեկ պարադոքս կա. ստորինն պալատի կողմից Հայոց ցեղասպանության ժխտումը քրեականացնող օրինագիծը վերին պալատը չի ընդունել:
Ավելին, փորձագետի խոսքով, Երեւանում Սարկոզիից ավելի հայամետ դիրքորոշում են ակնկալում, որը «նա չի կարող իրեն թույլ տալ` Բաքվի հետ հարաբերությունները չփչացնելու համար»:
Ստրոկանը նշել է, որ Ֆրանսիայի նախագահն իր հետ Հայաստան էր տարել Ազնավուրին, «եւ արդեն հիմա դիտորդները հեգնում են, որ այցը «Ազնավուր» օպերացիա է` հայ ընտրողների քվեների պայքարի համար»: «Սակայն նա միաժամանակ կայցելի Բաքու, եւ, իհարկե, հայկական սփյուռքը խանդով կհետեւի, թե ինչ է ասելու այնտեղ, եւ միայն ղարաբաղյան հակամարտության խաղաղ կարգավորման կոչերը բավարար չեն»,-հայտարարել է նա:
Փորձագետը կարծում է, որ Սարկոզիին հաջողվել է իր նկատմամբ դրական տրամադրել Երեւանին, սակայն նրա համար կարեւորը սեփական ընտրողներն են: «Իսկ ահա արձագանքը, կարծում եմ, ավելի զուսպ կլինի, քանի որ ֆրանսիական ընտրազանգվածը բավական պահանջկոտ է, փորձառու, նրան մղեղով չես խաբի»,-եզրափակել է մեկնաբանը:
