Նախընտրելի
30 ընտանիք դատի է տվել Մեծ Բրիտանիայի կառավարությանը՝ կորոնավիրուսային համաճարակի սկզբում ծերանոցի բնակիչների և հիվանդանոցային հիվանդների անվտանգությունը չապահովելու համար։ BBC Broadcasting Corporation-ի փոխանցմամբ՝ մահացածների հարազատները փոխհատուցում են պահանջում։
Նշվում է, որ հայցի հիմքում ընկած է կառավարության գործողություններից դժգոհությունը, որը 2020 թվականի մարտին որոշել է հիվանդանոցային հիվանդներին ուղարկել ծերանոցներ՝ առանց դրանցում վարակիչ հիվանդության առկայության նախնական թեստավորման։ 2022 թվականին Լոնդոնի Գերագույն դատարանը որոշեց, որ նման քաղաքականությունն անօրինական է, քանի որ իշխանությունները հաշվի չեն առել ծերանոցների բնակիչների կողմից COVID-19-ի ասիմպտոմատիկ փոխանցման ռիսկերը։
Ինչպես հիշեցրել է BBC-ն, 2020 թվականի մարտից մինչև հունիս Անգլիայի և Ուելսի ծերանոցների մոտ 20 հազար բնակիչ մահացել է կորոնավիրուսով վարակվելուց հետո։ Մահացածներիի հարազատները կարծում են, որ Մեծ Բրիտանիայի առողջապահության նախարարությունը, որն այն ժամանակ ղեկավարում էր Մեթ Հենքոքը, խախտել է 1998 թվականի Մարդու իրավունքների օրենքը և Մարդու իրավունքների եվրոպական կոնվենցիան՝ չտրամադրելով «կյանքի իրավունքի պաշտպանություն»։
Չորեքշաբթի օրը հայտնի դարձավ, որ կորոնավիրուսի դեմ պատվաստումից հետո մահացած բրիտանացիների հարազատները հայց են ներկայացրել Լոնդոնի դատարան՝ ընդդեմ AstraZeneca դեղագործական ընկերության։ Ինչպես հայտնում է Reuters-ը, սա առաջին նման դատավարությունն է Անգլիայում:
