նախընտրելի դարձնել
Նիգերիան դիտարկում է խոշոր տնտեսությունների G20 բլոկին միանալու հայտ ներկայացնելու հնարավորությունը այն բանից հետո, երբ կավարտվեն ռիսկերի և օգուտների վերաբերյալ խորհրդակցությունները, ասել է նախագահի խոսնակ Աջուրի Նգելալեն, հաղորդում է Reuters-ը։
Նախագահ Բոլա Թինուբուն վարչապետ Նարենդրա Մոդիի հրավերով երկուշաբթի օրը կմեկնի Նյու Դելի՝ Հնդկաստանում մասնակցելու G20-ի գագաթնաժողովին, ասել է Աջուրի Նգելալեն:
«Թեև Նիգերիայի G-20-ին անդամակցությունը ցանկալի է, կառավարությունը լայն խորհրդակցություններ է սկսել՝ որոշելու անդամակցության օգուտներն ու ռիսկերը», - ասել է Նգելալեն:
Ըստ նրա, Թինուբուի ներկայությունը մասամբ նպաստել է Նիգերիայի՝ կազմակերպությանն անդամակցելու նպատակին։
Ուրբաթ օրը Նգելալեն ասել էր, որ Թինուբուն կմասնակցի G20 գագաթնաժողովին, որպեսզի փորձի օտարերկրյա ներդրումներ ներգրավել Նիգերիա և մոբիլիզացնել համաշխարհային կապիտալը ենթակառուցվածքի զարգացման համար:
Նիգերիայի նոր կառավարությունը ցանկանում է խրախուսել ներդրումները, այլ ոչ թե աշխատատեղեր ստեղծելու համար ապավինել փոխառություններին, քանի որ այն փորձում է աշխուժացնել տնտեսությունը, որը պայքարում է ռեկորդային պարտքի, թույլ արժույթի, երկնիշ գնաճի և էներգիայի սուղ պաշարների դեմ:
