նախընտրելի դարձնել
ՌԴ պաշտպանության նախարար Սերգեյ Շոյգուն չի պատասխանել այն հարցին, թե, արդյո՞ք, հետաքննություն է ընթանում գեներալ Սերգեյ Սուրովիկինի նկատմամբ։
«Ի՞նչ է պատահել Սուրովիկինի հետ, և, արդյո՞ք, նրա դեմ հետաքննություն է ընթանում», լրագրողները Շոյգուին են հարցրել ռուս-թուրքական բարձր մակարդակի բանակցություններին հաջորդած մամուլի ասուլիսից հետո։ Շոյգուն չի պատասխանել հարցին, տեղեկացնում է Ինտերֆաքսը։
Ինչպես հիշեցնում է Lenta-ն, Շոյգուն Սուրովիկինին նշանակել է հատուկ գործողության գոտում գտնվող զորքերի հրամանատար 2022 թվականի հոկտեմբերին։ Հունիսի 24-ին հրապարակվել էր Սուրովիկինի տեսաուղերձը ուղղված դեպի Մոսկվա շարժվող ՄՌԿ մարտիկներին, որով նա նրանց կանգ առնելու կոչ էր անում։ Դրանից հետո գեներալն այլևս չի հայտնվել հանրության առաջ։
