նախընտրելի դարձնել
Ռուսաստանը չի սկսել, այսպես կոչված, պատերազմն Ուկրաինայում, այլ, ընդհակառակը, փորձում է վերջ տալ դրան, հայտարարել է ՌԴ նախագահ Վլադիմիր Պուտինը «Վալդայ» միջազգային քննարկման ակումբի լիագումար նիստում, փոխանցում է ՏԱՍՍ-ը։
«Ես մեկ անգամ չէ, որ ասել եմ, որ մենք չենք սկսել այսպես կոչված պատերազմն Ուկրաինայում, ընդհակառակը, մենք փորձում ենք վերջ տալ դրան։ Մենք 2014 թվականին Կիևում քաղաքական հեղաշրջում չենք իրականացրել, արյունալի ու հակասահմանադրական պետական հեղաշրջում»,- ասել է ՌԴ նախագահը։
Պուտինն ընդգծել է, որ Ռուսաստանը այն ժամանակ Ղրիմի և Սևաստոպոլի բնակիչներին աջակցելու գործընթացում էր։ «Մենք չէինք, որ վախեցնում էինք Ղրիմի բնակիչներին և Սևաստոպոլի բնակիչներին նացիստական ոգով էթնիկ զտումներով, մենք չէինք, որ փորձեցինք Դոնբասին հրետակոծության և ռմբակոծության միջոցով հնազանդություն ստիպել, մենք չէինք, որ սպառնում էինք հաշվեհարդարով նրանց, որոնք ցանկանում էին խոսել իրենց մայրենի լեզվով»,- նշել է ՌԴ նախագահը։
«Լսեք, այստեղ բոլորն էլ տեղեկացված, գրագետ մարդիկ ենԼ Լավ, կարող եք հիմարացնել միլիոնավոր մարդկանց, որոնք իրականությունն ընկալում են լրատվամիջոցներից, բայց դուք գիտեք, թե ինչ է տեղի ունեցել»,- ասել է նա:
Ռուսաստանի ղեկավարի խոսքով՝ ինը տարի շարունակ Դոնբասի քաղաքները ռմբակոծվել և գնդակոծվել են, այդ թվում՝ տանկերի կիրառմամբ։ «Իրական պատերազմ էր սանձազերծվել Դոնբասի դեմ: Եվ ոչ ոք չհաշվեց Դոնբասում մահացած երեխաներին: Ոչ ոք այլ երկրներում, հատկապես Արևմուտքում, չի լացել մահացածների համար», - ասել է Պուտինը:
