նախընտրելի դարձնել
Պաղեստինի առողջապահության նախարարությունը հայտնել է, որ Գազայի հատվածում Իսրայելի և ՀԱՄԱՍ-ի միջև հակամարտության սրման հետևանքով 256 պաղեստինցի է զոհվել, ևս 1788-ը վիրավոր է:
Նրանց մեծ մասը, ըստ երևույթին, զոհվել է Գազայի հատվածում՝ Իսրայելի պատասխան հարվածների հետևանքով։ Իսրայելի պաշտպանության բանակը հայտարարել է, որ հարյուրավոր պաղեստինցի զինյալներ է ոչնչացրել Իսրայելում և Գազայում հարվածների արդյունքում:
Օրվա ընթացքում առնվազն 250 իսրայելցի է զոհվել, ավելի քան 1600-ը՝ վիրավորվել, հայտնում է Haaretz-ը։
Շաբաթ երեկոյան Իսրայելի պաշտպանության բանակի ներկայացուցիչն ասել է, որ բանակը վերականգնել է վերահսկողությունը Գազայի սահմանային բնակավայրերի մեծ մասի վրա, որտեղ ներթափանցել էին ՀԱՄԱՍ-ի և «Իսլամական ջիհադի» զինյալները: Զինվորականները շաբաթ կեսօրին հաստատել են, որ «զգալի» քանակությամբ իսրայելցի քաղաքացիներ և զինվորներ Գազայի հատվածում պատանդ են պահվում ՀԱՄԱՍ-ի զինյալների կողմից:
