նախընտրելի դարձնել
Չինաստանի առաջնորդ Սի Ծինփինը նոյեմբերի 3-ին Պեկինում հանդիպել է Հունաստանի վարչապետ Կիրիակոս Միցոտակիսի հետ։
Ինչպես նշել է Սի Ծինփինը, Չինաստանը և Հունաստանը «Գոտի և ճանապարհի» համատեղ շինարարության, ինչպես նաև քաղաքակրթությունների միջև փոխանակումների և փոխադարձ ուսուցման գործընկերներ են: Չինաստանի Ժողովրդական Հանրապետության նախագահը հայտարարել է, որ Չինաստան-Հունաստան հարաբերությունները անփոփոխ պահպանում են առողջ և կայուն զարգացումը։
Ըստ Սինհուայի, Սի Ծինփինը նշել է, որ Չինաստանը պատրաստ է խորացնել համագործակցությունը տրանսպորտի, նավագնացության, էներգետիկայի, կապի և ֆինանսների ոլորտներում, ինչպես նաև ընդլայնել համագործակցության հնարավորությունները կանաչ տնտեսության, թվային տնտեսության և գիտակատեխնիկական նորարարությունների ոլորտներում։
«Չինաստան-ԵՄ հարաբերությունների առողջ զարգացումը հնարավոր չէ առանց անկախության, փոխադարձ հարգանքի և փոխշահավետ համագործակցության», - հավելել է Սի Ծինփինը:
Ըստ նրա, Չինաստանը պատրաստ է աշխատել ԵՄ-ի հետ՝ միմյանց մասին ճիշտ ըմբռնումը պահպանելու, կոնսենսուսի վրա կենտրոնանալու, ուղղությունը հասկանալու և տարբեր ոլորտներում փոխշահավետ համագործակցությունը համակողմանիորեն զարգացնելու համար։
Իր հերթին, Միցոտակիսն ասել է, որ 2019 թվականին Սի Ծինփինի հաջող պետական այցը Հունաստան խորը տպավորություն է թողել հույն ժողովրդի վրա, և այդ ժամանակվանից հունա-չինական հարաբերությունները զարգացման հզոր դինամիկա են պահպանել։
Հունաստանը, հավելել է վարչապետը, պատրաստ է շարունակել խթանել «Գոտի և ճանապարհի» համատեղ բարձրորակ շինարարությունը, ինչպես նաև հետագայում ևս օգտագործել ներուժը և ընդլայնել փոխշահավետ համագործակցությունը։
Հունաստանը, շարունակել է վարչապետը, հաստատակամորեն հավատարիմ է մեկ Չինաստանի քաղաքականությանը, բարձր է գնահատում Չինաստանի արդար դիրքորոշումը միջազգային և տարածաշրջանային հարցերում և պատրաստ է ավելի սերտ բազմակողմանի համագործակցության ՉԺՀ-ի հետ:
