նախընտրելի դարձնել
Audi-ն ավարտել է TT-ի թողարկումը՝ 25 տարվա արտադրությունից հետո, հայտնում է Motor1-ը։ Կուպեի վերջին օրինակը հավաքվել է ընկերության Գյոր (Հունգարիա) գործարանում։
Audi TT-ի նախատիպն առաջին անգամ ներկայացվել է Ֆրանկֆուրտի միջազգային ավտոսրահում 1995 թվականին, իսկ կուպեի մոդելի զանգվածային արտադրությունը սկսվել է 1998 թվականի փետրվարին։ Մեկ տարի անց TT շարքում հայտնվեց ռոդսթեր։ Իր արտադրության ընթացքում մեքենան անցել է երեք սերունդ, մոդելի ընդհանուր շրջանառությունը կազմել է գրեթե 662,8 հազար մեքենա։
Երրորդ սերնդում Audi TT-ը հիմնված է մոդուլային MQB հարթակի վրա, որը նույնպես ընկած է Volkswagen Golf-ի և Skoda Octavia-ի հիմքում: Մինչև դադարեցվելը մոդելը թողարկվել է մի քանի հրաժեշտի հատուկ տարբերակներով, այդ թվում՝ ԱՄՆ-ի և Մեծ Բրիտանիայի շուկաների համար:
