նախընտրելի դարձնելՄանվել Ազրոյանի դատավճիռը կբողոքարկվի Հայաստանի վճռաբեկ դատարանում: Այս մասին NEWS.am -ի թղթակցի հետ զրույցում հաղորդել է փաստաբան Էդմոնդ Մարուքյանը:Փաստաբանի խոսքով` ներկայումս նա նախապատրաստում է բողոքարկումը եւ մտադիր է այն ներկայացնել շաբաթվա ընթացքում:
Անցյալ տարվա նոյեմբերի 19-ին ԼՂՀ շարքային զինծառայող Մանվել Ազրոյանը կենցաղային հողի վրա կատարված պատահարի արդյունքում կրակել է ծառայակիցներին, Լեւոն Եսայանը (1991թ. ծնված), Ներսես Գալոյանը(1990 թ. ծնված), Նարեկ Սահակյանը (1990 թ. ծնված) եւ Նվեր Սարգսյանը մահացել են: Սարգիս Մելքումյանը (1991թ. ծնված), Խաչիկ Ալեքսանյանը (1992 թ. ծնված), Մասիս Գրիգորյանը (1991թ. ծնված), եւ ինքը` Մանվել Ազրոյանը, տարբեր աստիճանի ծանրության հրազենային վնասվածքներ են ստացել:
Օգոստոսի 3-ին Սյունիքի մարզային ընդհանուր իրավասության դատարանը Մ. Ազրոյանին դատապարտել է ցմահ բանտարկության` ծառայակիցներից չորս հոգու սպանելու, երեքին` վնասվածք հասցնելու համար: Լսելով դատարանի որոշումը` մեղադրյալը սեղանից վերցրել էր հանքային ջրի շիշը եւ նետել դատը նախագահող դատավոր Համլետ Դավթյանի վրա: Ազրոյանի անկարգ պահվածքը անմիջապես դադարեցվել է Շուշիի մեկուսարանի աշխատակիցների կողմից, փաստաբանը եւս անմասն չէր մնացել:
Մեղադրյալի եւ նրա փաստաբանի նկատմամբ բռնություն գործադրելու մեղադրանքով Հայաստանի Գլխավոր դատախազությունը դիմել էր ԼՂՀ համապատասխան մարմիններին: Այնտեղ, իրենց հերթին, Ազրոյանի նկատմամբ եւս մեկ քրեական գործ էին հարուցել` ԼՂՀ ՔՕ 347 հոդվածի 3-րդ մասի համաձայն:, որը նախատեսում է պատասխանատվության ենթարկել արդարության իրականացման կամ լրացուցիչ հետաքննության ընթացքում բռնի գործողություններ կատարելու համար:Բողոքարկիչ դատարանը անփոփոխ է թողել ընդհանուր իրավասության դատարանի որոշումը:
