Մայիսի 27-ին Վրաստանի խորհրդարանը կսկսի օտարերկրյա գործակալների մասին օրենքի վրա նախագահ Սալոմե Զուրաբիշվիլիի վետոն վերացնելու ընթացակարգը։ Այս մասին ասվում է Վրաստանի օրենսդիր մարմնի կայքում։

Մասնավորապես, այսօր՝ տեղական ժամանակով ժամը 09:00-ին, նախատեսված է խորհրդարանական իրավական հարցերի հանձնաժողովի նիստ։ Առաջին հարցը, որը պետք է քննարկի հանձնաժողովը, նախագահի կողմից օտարերկրյա գործակալների մասին օրենքի վետոն է։ Եթե ​​հանձնաժողովը հավանություն տա վետոյի վերացմանը, հարցը կներկայացվի մայիսի 28-ին կայանալիք լիագումար նիստին։

Նախագահի վետոն վերացնելու համար անհրաժեշտ է միապալատ խորհրդարանի 150 պատգամավորներից առնվազն 76-ի համաձայնությունը։ Իշխող «Վրացական երազանք-Ժողովրդավարական Վրաստան» կուսակցությունն ունի 84 մանդատ։ Վետոյի վերացումից հետո օրենքը կրկին կուղարկվի նախագահին՝ ստորագրության։ Եթե ​​Զուրաբիշվիլին կրկին հրաժարվի ստորագրել փաստաթուղթը, այն կստորագրի ու կհրապարակի խորհրդարանի նախագահ Շալվա Պապուաշվիլին։ Հրապարակումից հետո օրենքն ուժի մեջ կմտնի։

Մայիսի 14-ին Վրաստանի խորհրդարանը երրորդ ընթերցմամբ ընդունել է «Օտարերկրյա ազդեցության թափանցիկության մասին» օրենքը, որը Եվրամիությունից կոշտ հայտարարություններ է առաջացրել՝համայնքին երկրի ինտեգրումը կասեցնելու սպառնալիքի մասին։ Եվրոպայի և Եվրասիայի հարցերով պետքարտուղարի օգնական Ջեյմս Օ'Բրայենը հայտարարել է, որ ԱՄՆ-ը պատժամիջոցներ կկիրառի վրացական իշխանությունների դեմ, եթե այնտեղ ժողովրդավարությունը խաթարվի։