նախընտրելի դարձնել
Հարավային Կորեայի ոստիկանությունը 179 մարդու կյանք խլած Boeing 737-800 ինքնաթիռի մահացու վթարի հետաքննության շրջանակում հինգշաբթի ներխուժել է Jeju Air ավիաընկերության և Muan միջազգային օդանավակայանի օպերատորի գրասենյակները, հայտնել է Ֆրանսպրես գործակալությունը։
Թաիլանդից Հարավային Կորեա կիրակի 181 մարդ էր թռչում, երբ այն բախվել է արգելապատնեշին, ինչի հետևանքով զոհվել են բոլորը, բացառությամբ երկու բորտուղեկցորդուհիների, որոնք դուրս էին բերվել այրվող բեկորներից:
Իշխանությունները որոնողական աշխատանքներ են իրականացրել Մուանի օդանավակայանում, որտեղ վթարի է ենթարկվել 2216 չվերթի ինքնաթիռը, հարավարևմտյան քաղաքի ավիացիոն գրասենյակում և մայրաքաղաք Սեուլում տեղակայված Jeju Air-ի գրասենյակներում:
Հարավային Կորեայի և Միացյալ Նահագների, նրանց թվում՝ Boeing ընկերության հետաքննիչները, վթարի վայրից ուսումնասիրում են վթարի վայրը՝ պարզելու համար դրա պատճառները: Երկու սև արկղերն էլ հայտնաբերվել են, և աշխատանքները դրանց վերծանման ուղղությամբ շարունակվում են։
Ոստիկանությունը Ֆրանսպրես գործակալությանը հայտնել է, որ խուզարկության հրաման է տրվել, իսկ Yonhap լրատվական գործակալությունը, հղում անելով պաշտոնյաներին, հայտնել է, որ այն հաստատվել է մասնագիտական անփութության մեղադրանքով, որը հանգեցրել է մահվան:
Հարավային Կորեան միաժամանակ հայտարարել է, որ կստուգի իր փոխադրողների շահագործող բոլոր Boeing 737-800 ինքնաթիռները՝ կենտրոնանալով վայրէջքի սարքերի վրա, որոնք, ըստ երևույթին, կիրակի տեղի ունեցած վթարի ժամանակ անսարք են եղել:
Հարավային Կորեայի նախագահի պաշտոնակատար Չոյ Սանգ-մոկն հինգշաբթի հայտարարել է, որ «անհապաղ գործողություններ» պետք է ձեռնարկվեն, եթե ստուգումը ինքնաթիռի մոդելին առնչվող որևէ խնդիր հայտնաբերի:
Ավելի վաղ իշխանությունները հայտնել էին, որ նույն մոդելի 101 ինքնաթիռները շահագործում էին վեց տարբեր ավիաընկերություններ:
