Թուրքիայի հետախուզության ղեկավար Իբրահիմ Կալինը հեռախոսազրույց է ունեցել պաղեստինյան ՀԱՄԱՍ խմբավորման քաղբյուրոյի ներկայացուցիչների հետ՝ քննարկելու հրադադարի շուրջ բանակցությունները։ Այս մասին հայտնում է Times of Israel-ը՝ հղում անելով թուրքական անվտանգության ծառայության աղբյուրին։

«Քննարկումը կենտրոնացել է բանակցություններում ձեռք բերված առաջընթացի և ներկա կարգավիճակի վրա»,- ասել է աղբյուրը։

Նա հավելել է, որ կողմերը պայմանավորվել են «վերսկսել ջանքերը՝ հրադադարի հասնելու համար»։