Նախընտրելի
Աջ պոպուլիստական «Այլընտրանք Գերմանիայի համար» (AfD) կուսակցությունը ապշեցուցիչ հաջողության է հասել արևելյան դաշնային նահանգների ընտրություններում, գրում է գերմանական Bild պարբերականը։
Թյուրինգիայում կուսակցությունը հավաքել է ձայների գրեթե 40%-ը, Սաքսոնիայում՝ 37,3%-ը։ Սաքսոնիա-Անհալթում AfD-ն ստացել է 37,1%, Բրանդենբուրգում՝ 32,5%, Մեքլենբուրգ-Պոմերանիայում՝ 35%: Արևելյան Գերմանիան կապույտ գույն է ստացել ձայների բաշխման քարտեզի վրա՝ խորհրդանշելով այս կուսակցության աջակցությունը։
«Այլընտրանք Գերմանիայի համար» կուսակցության դիրքերի ամրապնդումը հատկապես նկատելի է ավանդական կուսակցությունների թույլ արդյունքների ֆոնին։ Նույն նահանգներում Քրիստոնեական-դեմոկրատական միությունն (CDU) ու Գերմանիայի սոցիալ-դեմոկրատական կուսակցությունը (SPD) հավաքել են 20%-ից պակաս, իսկ Կանաչները ցույց են տվել աղետալիորեն ցածր արդյունքներ՝ Սաքսոնիայում մինչև 4%:
Բեռլինում իրավիճակն այլ էր՝ այստեղ AfD-ն ստացել է 15,2%, թեև նրա աջակցությունը զգալիորեն ավելի մեծ էր քաղաքի արևելյան թաղամասերում։ Օրինակ, Մարզան-Հելերսդորֆում «Այլընտրանք Գերմանիայի համար» կուսակցությունը հավաքել է 30,9 տոկոս՝ այն դարձնելով շրջանի ամենաուժեղ կուսակցությունը:
Արևմտյան Գերմանիայում պատկերը բոլորովին այլ է, որտեղ գերակշռում են Քրիստոնեական-դեմոկրատական միությունը, Գերմանիայի սոցիալ-դեմոկրատական կուսակցությունը և կանաչները: Բեռլինը մնում է բաժանված. արևելյան շրջաններում, մասնավորապես՝ Տրեպտով-Կյոպենիկում, AfD-ն գրեթե հասել է սոցիալ-դեմոկրատներին (21,5% դեպի 21,6%), մինչդեռ արևմտյան շրջաններում, մասնավորապես՝Շառլոտենբուրգ-Վիլմերսդորֆում, կուսակցության աջակցությունը կազմել է ընդամենը 8,9%:
