նախընտրելի դարձնել
Ռուսական կողմը ծանոթացել է ԱՄՆ նախագահ Դոնալդ Թրամփի՝ Կուրսկի մարզում շրջափակված հայտնված ուկրաինացի զինվորների կյանքը խնայելու առաջարկին։ Դրա մասին հայտարարել է ՌԴ նախագահ Վլադիմիր Պուտինը։
«Մենք ծանոթացել ենք ԱՄՆ նախագահ պարոն Թրամփի այսօրվա կոչին՝ խնայել ուկրաինական բանակի զինծառայողների կյանքը, որոնց որոշ հատվածներ արգելափակված են ռուսական զորքերի կողմից Կուրսկի մարզի ուկրաինական զինված ուժերի ներխուժման գոտում», -ըստ RTVI-ի՝ ասել է նա։
Պուտինը նշել է, որ Թրամփի կոչն արդյունավետ իրականացնելու համար անհրաժեշտ է Ուկրաինայի ղեկավարության հրամանն իր զինվորականներին՝ վայր դնել զենքերը և հանձնվել։ Նա ասել է, որ այս դեպքում Ուկրաինայի զինված ուժերի զինծառայողներին երաշխավորվելու է կյանքն ու արժանապատիվ վերաբերմունքը։
«Մենք ուշադրություն ենք հրավիրում այն փաստի վրա, որ ուկրաինացի զինյալները բազմաթիվ հանցագործություններ են կատարել ներխուժման գոտում խաղաղ բնակչության նկատմամբ։ Այդ գործողությունները որակվում են որպես ահաբեկչություն»,- հավելել է Պուտինը։
