Ոստիկանությունը հետաքննում է Երուսաղեմի սինագոգի ենթադրյալ հրկիզումն ու վանդալիզմը, որը հաճախ է այցելում նախկին գլխավոր ռաբբի Իցհակ Յոսեֆը, հայտնում է Times of Israel-ը։

Գիշերը հրշեջներին կանչել են Սանհեդրիա թաղամասի սինագոգ, որտեղ հրդեհ էր բռնկվել։ Բացի այդ, հայտնաբերվել են վնասված աղոթագրքեր։

Հնարավոր է՝ կապ կա այս միջադեպի և մոտակա տան դռանը նկարված խաչի միջև, գրում է լրատվամիջոցը։

Հրդեհի հետևանքով սինագոգին որոշակի վնաս է հասցվել։ Ոչ ոք չի տուժել։