Իրանի հարավային մասում 4,4 մագնիտուդով երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։

Նրա տվյալներով, ստորգետնյա ցնցումների էպիկենտրոնը գտնվել է մոտ 352 հազար բնակչություն ունեցող Բենդեր-Աբբաս քաղաքից 88 կմ դեպի հյուսիս-արևելք։ Օջախը գտնվել է 10 կմ խորության վրա։

Տուժածների և ավերածությունների մասին տեղեկություններ չեն ստացվել։