Էստոնիան պաշտոնապես տեղեկացրել է Միավորված Ազգերի Կազմակերպությանը, որ դուրս է գալիս հակահետեւակային ականների արգելման Օտտավայի կոնվենցիայից:

Համապատասխան փաստաթղթերը ներկայացվել են ՄԱԿ կենտրոնակայան, հաղորդել է Էստոնիայի արտաքին գործերի նախարարությունը:

Տալլինը կոնվենցիայից դուրս գալու հիմնական պատճառներից մեկը նշել է «տարածաշրջանում անվտանգության իրավիճակը», որը «վատթարացել է Ուկրաինայի դեմ Ռուսաստանի ագրեսիայի հետեւանքով», ինչպես նաեւ իր ազգային անվտանգության ոլորտում «անհետաձգելի նկատառումները», փոխանցել է DW-ն։

Լիտվան եւս ՄԱԿ-ին տեղեկացրել է հակահետեւակային ականների արգելման կոնվենցիայից դուրս գալու մասին։