Երկու դատախազներ ղեկավարել են անկարգությունների մասնակիցների քրեական հետապնդումը, իսկ մեկ ուրիշը՝ Կապիտոլիումի գրոհին վերաբերող գործերը, գրել է Associated Press-ը՝ հղում կատարելով երկու իրազեկ աղբյուրների:

Նրանցից մեկին աշխատանքից ազատելու մասին նամակը, որը գործակալությանը հայտնի է, ստորագրվել է ԱՄՆ գլխավոր դատախազ Փեմ Բոնդիի կողմից, հաղորդել է BBC-ն:

Փաստաթղթում չեն բացատրվում ազատման պատճառները՝ որպես փաստարկ մեջբերելով «ԱՄՆ Սահմանադրության 2-րդ հոդվածը եւ ԱՄՆ օրենքները»։ ԱՄՆ արդարադատության նախարարությունը հրաժարվել է մեկնաբանություն տալ AP-ին։

Թրամփի երկրորդ ժամկետի սկզբից ի վեր Կապիտոլիումի անկարգությունների գործով զբաղվող մի քանի դատախազների պաշտոններն իջեցվել են, մոտ 20 փաստաբաններ, որոնք սկզբում ժամանակավոր պաշտոնների էին վարձվել գործով աշխատելու համար, հետո նրանց տրվել էին մշտական ​​պաշտոններ, ազատվել են աշխատանքից։

2021թ. հունվարի 6-ին ընտրություններում պարտված Դոնալդ Թրամփի կողմնակիցները փորձեցին կանխել Ջո Բայդենի հաղթանակի վավերացումը եւ անկարգություններ կազմակերպեցին Վաշինգտոնում։ Մասնակիցներից շատերը դատապարտվեցին, բայց Թրամփը երկրորդ ժամկետի սկզբում ներում շնորհեց նրանցից ավելի քան 1 500-ին։