Իրանն ունի բոլոր հնարավորությունները, բայց միջուկային զենք չի ունեցել, CBS News-ին տված հարցազրույցում հայտարարել է ՄԱԳԱՏԷ-ի գլխավոր տնօրեն Ռաֆայել Գրոսին։

«Այս մասին պետք է խոսել։ Ազգային մակարդակով կարելի է եզրահանգել, որ նրանք մոտ են եղել, լա՞վ։ Եվ ես չեմ խորանա մանրամասների մեջ, քանի որ մենք՝ ՄԱԳԱՏԷ-ն, մտադրությունների համար չենք դատում։ ՄԱԳԱՏԷ-ն հետևում է երկրի գործունեությանը և այդ մասին հայտնում աշխարհին։ Այնպես որ, հենց երկրներն են որոշում՝ դա անհանգստություն է առաջացնում, թե ոչ»,- ասել է նա։

Ըստ ՄԱԳԱՏԷ-ի գլխավոր տնօրենի, գործակալությունն անհանգստացած է եղել Իրանի հետ կապված մի շարք «անորոշ հանգամանքներով»։

«Օրինակ, մենք ուրանի հետքեր ենք հայտնաբերել Իրանի որոշ վայրերում, որոնք հայտարարագրված օբյեկտներ չեն եղել։ Տարիներ շարունակ մենք հարց ենք տվել, թե ինչու ենք հայտնաբերել հարստացված ուրանի այս հետքերը x, y կամ z վայրերում։ Եվ մենք պարզապես հավաստի պատասխաններ չենք ստացել։ Եթե այնտեղ նյութ է եղել, որտե՞ղ է այդ նյութը։ Նշանակում է՝ դրանից կարող է էլի լինել։ Մենք չգիտենք։ Ահա թե ինչու, ներողություն, որ երրորդ անգամ եմ սա կրկնում, կարծում եմ, մենք պետք է վերադառնանք»,- հավելել է նա։