Ռուսաստանի Արտաքին հետախուզության ծառայության տնօրեն Սերգեյ Նարիշկինը հայտնել է, որ հեռախոսով խոսել է ԱՄՆ Կենտրոնական հետախուզական վարչության տնօրեն Ջոն Ռետկլիֆի հետ, հայտնում է ТАСС-ը։

Ինչպես հայտնում է ռուսաստանյան լրատվամիջոցը, կողմերը պայմանավորվել են ցանկացած պահի զանգահարելու և հետաքրքրող հարցերը քննարկելու հնարավորության շուրջ։

«Ես հեռախոսազրույց եմ ունեցել իմ ամերիկացի գործընկերոջ հետ, և մենք միմյանց համար վերապահել ենք ցանկացած պահի զանգահարելու և հետաքրքրող հարցերը քննարկելու հնարավորություն»,- ասել է նա ВГТРК-ի լրագրող Պավել Զարուբինի հետ զրույցում։