ԱՄՆ-ից Ուկրաինա զենքի մատակարարումները մասնակիորեն շարունակվում են։ Այս մասին լրագրող Պավել Զարուբինի հետ զրույցում հայտարարել է Ռուսաստանի նախագահի օգնական Յուրի Ուշակովը, հայտնում է «Коммерсантъ»-ը։

«Որոշները շարունակվում են, որոշները՝ ոչ, որքանով ես գիտեմ»,- ընդգծել է Ուշակովը՝ պատասխանելով Կիևին ամերիկյան զենքի մատակարարումների ներկա կարգավիճակի մասին հարցին։

ՌԴ նախագահի օգնականը նշել է, որ ԱՄՆ նախկին իշխանություններն այս հարցում կոշտ պաշտոնական դիրքորոշում ունեին, մինչդեռ ներկայիս վարչակազմը պատրաստ է քննարկել տարբեր տարբերակներ։