Նախընտրելի
Մի քանի օր առաջ Telegram-ի ալիքները կեղծ լուրեր հրապարակեցին Telegram-ը Ռուսաստանից դուրս գալու մասին։ Դրա մասին գրել է հարթակի հիմնադիր Պավել Դուրովը։
Ըստ նրա՝ սկզբում որպես կատակ երգիծական հրատարակությունում մեկնարկած լուրն արագ սկսեցին վերատպել բավականին լուրջ ալիքներով՝ առանց որևէ հումորային նշույլի։
«Մենք նույնիսկ ստիպված էինք հերքման նշում ավելացնել Telegram-ի ալիքներում նման գրառումների տակ»։
Մինչ այդ, մի շարք լրատվամիջոցներ կեղծ հաղորդագրություն էին հրապարակել OSINT ալիքների քաղաքական դրդապատճառներով արգելափակման մասին։ Իրականում, մի քանի ալիքներ կարճ ժամանակով կասեցվեցին ավտոմատացված սցենարների պատճառով՝ անձնական տվյալներ հրապարակելու համար, սակայն լրատվամիջոցներում հաղորդագրությունները շարունակվեցին հայտնվել միջադեպից մի քանի օր անց՝ հաճախ առանց որևէ հիշատակման, որ ալիքներն անմիջապես արգելափակվել են։
Վերջապես, անցյալ ամիս RuNet-ը քննարկում էր Telegram-ի IP հասցեների վերաբերյալ տեխնիկապես անգրագետ հետաքննությունը, որը, ենթադրաբար, մեր օգտատերերին վտանգի է ենթարկում։ Չնայած անկախ փորձագետների այս հրապարակումը բազմիցս հերքել են (օրինակ՝ այստեղ), հերքումը, ինչպես այլ նմանատիպ դեպքերում, ավելի քիչ լուսաբանում է ստացել, քան սկզբնական անարժանահավատ հաղորդագրությունը։
Telegram-ն ավելի քան 12 տարի պաշտպանում է մարդկանց անձնական կյանքի գաղտնիության և տեղեկատվությանը ազատ հասանելիության իրավունքը, որի պատճառով հաճախ տարբեր կողմերից դառնում ենք լրատվամիջոցների ճնշման առարկա։ Հնարավոր է, որ մենք գործ ունենք ոչ թե լրագրողների կատարած անվնաս սխալների, այլ Telegram-ը վարկաբեկելու նպատակային արշավի հետ։ «Ուշադի՛ր եղեք»,- ընդգծել է Դուրովը:
