Ամերիկյան Թեքսաս նահանգի նահանգապետ Գրեգ Էբոթը, 24 մարդու զոհվելու և մոտ 20-ի անհետ կորելու մասին հաղորդագրությունից հետո, աղետալի իրավիճակ է հայտարարել Կենտրոնական Թեքսասի առավել տուժած մի քանի շրջաններում։ Դրանց թվում են Բանդերան, Կոմալը, Կոնչոն, Գիլեսպին, Քենդալը, Քերը, Քիմբալը, Լանոն, Մեյսոնը, Մըքքալոուն, Մենարդը, Ռիվզը, Սան Սաբան և Թոմ Գրինը, հայտնում է CNN-ը։
Ըստ նրա, այս շրջանները «կստանան բոլոր այն գործիքները, ռազմավարությունները և անձնակազմը, որոնք կարող է նրանց տրամադրել Թեքսաս նահանգը, և այդ հնարավորությունները կլինեն անսահմանափակ»։
ԱՄՆ նախագահ Դոնալդ Թրամփն իր հերթին Կենտրոնական Թեքսասի ջրհեղեղը «սարսափելի» է անվանել և խոստացել է դաշնային աջակցություն՝ հետևանքների հաղթահարման համար։
«Սա սարսափելի է։ Ջրհեղեղներ։ Սա ցնցող է։ Նրանք դեռ չգիտեն, թե քանի մարդ է զոհվել, բայց, կարծես թե, մի քանի երիտասարդներ», - լրագրողներին ասել է Թրամփը Air Force One ինքնաթիռում՝ Նյու Ջերսիի իր գոլֆի ակումբ մեկնելիս։
Դաշնային օգնության մասին հարցին նա պատասխանել է. «Օ, այո, կհոգանք նրանց մասին։ Աշխատում ենք նահանգապետի հետ։ Սա սարսափելի է»։
Նախընտրելի
