«Իսրայելցի նորաբնակները, ովքեր գտնվում են օկուպացված Հորդանան գետի Արևմտյան ափին, ծեծելով սպանել են 20 տարեկան մի ԱՄՆ քաղաքացու, հայտնում են զոհի ընտանիքը և իրավապաշտպան խմբերը։

Պաղեստինի առողջապահության նախարարությունը հայտնել է, որ ուրբաթ օրը Ռամալլահից հյուսիս գտնվող Սինջիլ քաղաքում հարձակվել և սպանել են Սեյֆ ադ-Դին Մուսլատին։

Ֆլորիդա նահանգի Տամպա քաղաքից Մուսլաթի հարազատները The Washington Post-ին պատմել են, որ նա մահացու հարվածներ է ստացել իսրայելցի նորաբնակներից կողմից։

«Մենք տեղյակ ենք Արևմտյան ափին ԱՄՆ քաղաքացու մահվան մասին հաղորդագրություններից», - Reuters-ը մեջբերել է Պետդեպարտամենտի խոսնակին։ Խոսնակը հրաժարվել է լրացուցիչ մեկնաբանություններ տալ՝ «զոհի ընտանիքի և սիրելիների անձնական կյանքի նկատմամբ հարգանքից ելնելով»։

Մուսլաթը լքել է Ֆլորիդայի իր տունը՝ Պաղեստինում գտնվող իր ընտանիքին այցելելու համար, սոցիալական ցանցերում գրել է նրա զարմուհի Ֆաթմա Մուհամմադը։ Հարձակման ժամանակ նորաբնակների կողմից սպանվել է մեկ այլ պաղեստինցի՝ Մոհամմադ Շալաբին։