Նախընտրելի
Սուդանի կենտրոնում տեղի է ունեցել դաժան հարձակում. RSF ռազմականացված ուժերը հարձակվել են մի գյուղի վրա և սպանել տասնյակ խաղաղ բնակիչների, այդ թվում՝ կանանց և երեխաների, հաղորդում է LeMonde-ը։
Սուդանի կենտրոնում տեղի է ունեցել արյունալի ողբերգություն. Արագ աջակցության ուժերի (RSF) մարտիկները հարձակվել են Հյուսիսային Կորդոֆան նահանգի Ումմ Գարֆա գյուղի վրա։
Emergency Lawyers իրավապաշտպան կազմակերպության տվյալներով՝ նրանք սպանել են 48 խաղաղ բնակիչների, այդ թվում՝ կանանց և երեխաների, այրել տներ և թալանել մարդկանց։
Հարձակումը տեղի է ունեցել Բարա քաղաքից ընդամենը 90 կիլոմետր հեռավորության վրա, որտեղ վերջերս տեղի են ունեցել բանակի և RSF-ի միջև կատաղի մարտեր։
Միգրացիայի միջազգային կազմակերպությունը (ՄՄԿ) կիրակի օրը հայտարարել է, որ տարածաշրջանում մարտերի սրումը ստիպել է ավելի քան 3000 մարդու լքել իրենց տները և ապաստան փնտրել այլուր։ Նրանցից շատերը ապաստան են գտել Բարայի մոտակայքում։
Սուդանի բանակը վերջին շաբաթների ընթացքում մի քանի հարձակում է սկսել Բարայի՝ Հյուսիսային Կորդոֆանի ռազմավարական կարևոր քաղաքը վերականգնելու համար։
Նշենք, որ Սուդանում պատերազմը շարունակվում է արդեն մեկ տարուց ավելի, և խաղաղ բնակչության վիճակը շարունակում է մնալ կրիտիկական։
